تفتكروا الناس بتكتب لبة على المدونات الألكترونية لية نكتب اللي جوانا على المدونة و ننشره لكل الناس اللي منعرفهمش و نخليهم يقرونا و يقروا اللي جوانا و نكتبلهم اللي يمكن بنداري عن أقرب الناس لينا حاجة غريبة ازاي بنثق في الناس اللي منعرفهممش عارفين أنا مش شايفة غير مبرر واحد للحكاية دي بالنسبة لي يمكن أكون مش عايزة اصطدم بحد فبحس أنه أقول اللي عايزة أقوله في الهوا أيوه الهوا أكتب و ملقاش رد مباشر على اللي بكتبه الرد بيجي بعد فترة يكون الواحد قال اللي في نفسه تفتكروا اللي اخترع نظام البلوجز ده اخترعوا ليه متهيألي عشان يعرق كل واحد جواه أيه لئيم قوي بتاع البلوجز ده و إحنا أكيد عارفين كده بس برضه بنسمحله يتلصص علينا أصلاً يعني إحنا قصدي يعني بني البشر غرب غرابة يا راجل و بنعمل تصرفات ربنا وحده هو اللي يعلم بنعمل كده ليه ربنا بس هو اللي يعلم مش الراجال اللئيم بتاع البلوجز عارفين البوجات دي بتفكرني بالفيلم بتاع ( ترومان شو ) واحد عمل لواحد حياة وقعد يتفرج علية لا مش بس كدة ده كمان بأى هو اللي بيتحكم في حياته ومش بس كده ده خلاه فرجه لكل النا مش برضة الموضوع ده شبه اللي بيحصل في البلوجات عايزة رأيكم في الموضوع ده متبعتولي أنتوا مبتبعتوليش ليه.
من أنا
- om yassein
- ياللي انت بيتك قش مفروش بريش تقوي عليه الريح .. يصبح ما فيش عجبي عليك حواليك مخالب كـــــبار و ما لكش غير منقار و قادر تعيش عجبي !!!!
هناك تعليق واحد:
أنا عارف أني أول واحد يكتب تعليق عندك وعارف كمان مدى السعادة اللى انتي فيها دلوقتي - نفس اللى حصل معايا بالضبط - لكن معلش الصبر طيب متستعجليش
بالنسبة لموضوع البلوجات فاجمل حاجة فيها ان الواحد بيعد يفضفض مع نفسه بدل ما يقعد يكلمها والناس تتريق عليه وتقول عليه إتهبل ولو احنا عملنا مقارنا بسيطة ما بين أننا نكتب كلام عن نفسنا وناس تانيين منعرفهمش يقروه أو اننا يتقال علينا اتجننا يبقى اكيد الخيار الأول هيكون الأنسب وده في الشرع بيسموه أخف الضررين.
كتري من زياراتك للآخرين وسيبي تعليقات على المواضيع بتاعتهم وتأكدي انهم هما كمان هيردولك الزيارة ويسيبولك كلام جميل تفتكريهم بيه.
إرسال تعليق